HÆ INNPÖKKUN!
Innpökkunarnámskeið í Hæ Blóm með Bjarma Fannari og Margréti Maack - takmarkað pláss!
21. desember kl. 18:00 í Hæ Blóm, Efstalandi 26 (Grímsbæ). Námskeiðið er 90 mínútur.
Ekki bjóða fólkinu sem þú elskar upp á ógeðslega innpökkun!
Leiðsögnin hentar fólki með tíu þumalputta og þeim sem vilja læra ný trix. Komdu með allar jólagjafnirnar og við klárum innpökkunina saman! Og ef það þarf að kaupa síðasta eða bæta smáræði við, þá eru hæg heimatökin - við erum stödd í geggjaðri blóma- og lífsstílsbúð!
Verð: 11.900 - efniskostnaður innifalinn.
Boðið verður upp á léttar veitingar.
Aðeins 12 pláss í boði!
Margrét Erla Maack
Margrét nam innpökkun af móður sinni og ömmu í barnafataversluninni Bangsa Fix í Bankastræti 11. Margrét er mikil áhugakona um almennan fíflagang og hversdagstöfra og nýtir innpökkun sem almennt jólajóga.
Hún stendur innpökkunarvakt í Kormáki og Skildi og hefur gert slíkt undanfarin 12 ár - að frádregnu covid. Margrét kennir félagasamtökum, vinahópum og vinnustöðum innpökkun í upptakti jóla. Hennar helstu trix eru:
1. Það er hægt að bjarga öllum pökkum
2. Ekki pakka öllu inn
Bjarmi Fannar
Bjarmi er eigandi Hæ Blóm! og er vöru- og blómahönnuður og hugleiðslukennari.
Bjarmi leggur áherslu á sjálfbæra og umhverfisvæna hönnun – hvort sem er í vöndum, skreytingum eða stærri verkefnum – því blómahönnun og virðing fyrir náttúrunni eiga alltaf að fara saman.
Bjarmi er með ástríðu fyrir hönnun, smáatriðum og skapandi hugsun.
Hann er ekki bara liðlegur innpakkari, heldur leikur allt sem gleður og er fagurt í höndunum á honum. Hann er mikill talsmaður þess að endurnýta hluti í innpökkun og leiðbeinir með ljúflegheitum og grínskotum í bland og þegar allt er alveg að fara til fjandans, þá tekur hann létta öndunaræfingu. Bjarmi var einnig Íslandsmeistarinn í latte-list 2009.
Helstu trix Bjarma eru:
1. Sjáðu fyrir þér lokaútkomuna
2. Ekki fara í fýlu ef lokaútkoman er einhver allt önnur