Hér er skilaboðaskjóða til að hafa samband við mig um hin ýmsustu gigg. Gott er að skoða almanakið til að sjá hvort ég sé nú þegar bókuð dagsetninguna sem um ræðir. Verð miðast alltaf við fjölda fólks og hvar veislan er haldin.
Gott er að hafa í huga:
- Ef þú ert að bóka mig í skemmtiatriði eða veislustjórn þá eru atriðin sjónræn svo það þarf einhvers konar svið eða salur þarf að vera þannig uppbyggður svo allir sjái vel, það þarf að pæla í sjónlínu.

- Hljóðkerfi þarf að geta borið tónlist. Í flestum sölum er svokallað ráðstefnukerfi sem ber talað mál og myndbönd, en ég þarf hljóðkerfi fyrir tónlist. Í minni heimapartýum get ég komið með öfluga græju með mér.
- Í einhverjum tilfellum þarf ég aðstöðu til að skipta um föt og geyma alls kyns búninga, þar sem ég get lokað að mér og starfsfólk og gestir eru ekki að koma inn á mig í búningaskiptum.