Frestanir og afbókanir

Þegar ég er búin að lofa mér í að skemmta einhvers staðar, þarf ég að segja nei við öðrum fyrirspurnum. Þegar fólk neyðist til að hætta við eða fresta setur það mig í erfiða stöðu og þess vegna eru þessir skilmálar á bókunum á mér - s.s. eftir að báðir aðilar hafa staðfest bókun:

STAÐFESTINGARGJALD

Ef ég er bókuð langt fram í tímann rukka ég stundum staðfestingargjald til þess að negla niður kvöldið, sem er 1/3-1/2 af lokaverðinu. Þetta gjald er ekki hægt að fá endurgreitt nema ég hætti við giggið af einhverjum sökum. Ef slíkt gerist mun ég leitast við að hjálpa ykkur að finna einhvern í minn stað.

FRESTANIR VEGNA COVID-19
Ef veislu er frestað vegna kórónuveirunnar mun ég fara fram á að fá greiddan helming greiðslu næstu mánaðamót, og restina eftir að partýið okkar hefur átt sér stað. Ef þið frestið partýinu og ný dagsetning er dagsetning sem ég er bókuð annað, telst það afbókun.
 

AFBÓKANIR

Ef afbókað er með minna en mánaðarfyrirvara neyðist ég til að rukka fullt verð.