Vinsamlega athugið að sundlaugar geta meinað fólki um aðgang sem er bersýnilega ölvað. Einnig eru æfingarnar sem við gerum þess eðlis að það er ekki æskilegt að vera ölvaður. Við höfum lent í því að sundlaugaverðir hafa meinað gæs um inngöngu í sundlaug því hún sturtaði í sig bjór í anddyrinu, og einnig hafa sundlaugaverðir bannað okkur að halda tímann vegna ástands gesta.

Ef ölvun stendur í vegi fyrir því að tíminn geti átt sér stað neyðumst við til að rukka fullt verð. Við erum búnar að taka frá tímann, borga brautarleigu, fá barnapössun og raða lífi okkar í kringum giggið. 

​

UM FRESTANIR OG AFBÓKANIR

Vinsamlega athugið að ef sundballett er bókaður og greiddur er hægt að hætta við með viku fyrirvara. Ef fyrirvarinn er styttri en það getum við ekki endurgreitt. Margrét er umsetin í gæsunum og öðrum skemmtigiggum, Vigdís í framleiðslu árshátíða, við eigum báðar börn og þurfum að bóka sundlaugina og greiða svokallaða brautarleigu. Hins vegar er yfirleitt lítið mál að færa til og fresta og erum við afar liðlegar þegar kemur að því, að því gefnu að ný tímasetning gangi upp.