Tvímælalaust uppáhalds-veitingastaðurinn minn. Stofnaður 1975 og er hinn sanni franski bistro með svona aðeins of erótískri list á veggjunum. Bestu martiníar í bænum og tarotspákona á efri hæðinni. Mæli með að fá piparsteikina en splitta henni í tvennt með vini, hún er mjög vel útilátin! ATH það VERÐUR að panta borð og opnað er fyrir borðapantanir viku fyrir daginn sem þú vilt koma.

Frábær marakkóskur veitingastaður í East Village. Algjör upplifun og yndislegt.

Grjónagrautsstaður með alls konar toppings og 

skemmtilegum brögðum. 

Frábær morgunmatur, kaffitímasnarl eða late night snack og skemmtilegt inspó fyrir heimagrjónagrautinn.

Þú heldur kannski að þetta sé eitthvað sniðugt nafn á ísbúð en NEI. Það er íssafn í New York fyrir allar þínar ís- og instagramfantasíur. Til að fá sem mest út úr selfíleiknum mæli ég með að klæðast pastellitum.

Perla í Central Park. Vinur okkar Broody Valentino stjórnar þarna brúðum og gerir búninga! Algjört kjút. Ódýrir miðar og næs. Látið hann vita ef þið ætlið að kíkja svo hann geti leyft ykkur að skoða á bakvið eftir sýninguna!

Fyrir mörgum árum ákvað leigubílstjóri nokkur að opna kryddbúð með kryddum sem hann saknaði frá heimalandinu. Smátt og smátt fór að hann að flytja inn og selja krydd og mat sem aðrir leigubílstjórar söknuðu. Núna teygir búðin sig yfir um sex verslunarrými sem selur nákvæmlega öll krydd í heimi og sitthvað fleira. Ég vil biðjast fyrirfram afsökunar á valkvíðanum sem þið fáið sem og hvað þið eruð að fara að verja miklum pening þarna. Síðast þegar ég fór varði ég 440 dollurum. Algjört möst fyrir matarnörda!!!

Dásamlegur suður-amerískur tapasbar. Stórkostlegur bröns, vel gerðar sangríur og mojito með alvöru sykurreyr. Gaman að fara nokkur saman og smakka alls konar. Mæli með að panta borð.

MJÖG ÞRÖNG og PÍNULÍTIL sælgætisbúð með rosalega skemmtilegu nammi og ótrúlegu úrvali. Frábært að stoppa þarna ef þið viljið slá í gegn hjá krökkunum ykkar eða nammisjúkum maka. ATH ekki fara of mörg þarna inn í einu!!!!!

Sleep No More er leikhús sem þú gengur í gegnum, völundarhús byggt á Macbeth. Ótrúlega flott sýning sem ég hef farið fjórum sinnum á, hvílík upplifun og smáatriði. Sambland af leikhúsi, hönnun, burlesk, nútímadansi, völundarhúsi, tónlist, upplifunarleikhúsi, sirkus.... svo fátt eitt sé nefnt.

Mæli með að fara í fót- og handsnyrtingu, nudd ýmiskonar, vax og threading. New York er á háum klassa og svona staðir eru út um allt. Google Maps er vinur þinn. 

Að fara í matvöruverslun í útlöndum er fyrir mér eins og að fara á safn. Þessi búð er mjög skemmtileg. Hér er aldeilis hægt að fylla á snakkbirgðir heimilisins og kaupa skrýtna en góða drykki. Trader Joes er með pínulitla og rosalega bissí búð uppi við Union Square en útibúið í Lower East Side (rétt hjá Essex Market þar sem við borðum hádegismat á föstudeginum) er risastórt, ekki eins bissi og með betra úrval. Mæli með facebook hópnum Favorite Trader Joe’s Products til að undirbúa sig vel. Góða skemmtun.

Chelsea Market er mathöll allra mathalla  Frábærir ressar og góður stemmari. Sætar litlar búðir með frábærum minjagripum sem hægt er að borða.

Exótískasta ísbúðin. Hér er sko bannað að fá sér vanilluís! Mínir uppáhalds eru black sesame og matcha oreo. Tilvalið í degi í China Town / Little Italy og fara í mai/pedi eða nudd, fá sér pizzu og svo fara þangað. Mega.

Ef þú hefur aldrei komið til New York er möst að fara á söngleik. Best er að kaupa miða með stuttum fyrirvara í gegnum t.d. TKTS-heimasíðuna, þá er hægt að fá miða á fínasta verði. Suma vikudaga eru matinée-sýningar kl. 2 eða 3 sem er frábært ef veður er leiðinlegt eða of heitt.

Ég elska amerísk apótek! Ódýrt meiköpp og frábær amerísk flensulyf. 10/10.

Það er mjög erfitt að fá vonda pizzu í New York. Og ef hún er ekki frábær þá kostar risasneið líklega 1-2 dollara sem er snilld. Ef þú ert hins vegar pizzuNÖRD þá er hægt að fara í pizzuferðir, gönguferðir og í rútu með æðislegum gaur sem er pizzusagnfræðingur!!! Líka gaman að horfa á heimildamyndina, hún er á Amazon Prime. 

Í nágrenni hótelsins okkar er Essex Market sem er frábær mathöll með æðislegri ostabúð og alls konar búðum, auk fjölbreytts úrval matsölustaða. Miklu meira lókal og ekki eins bissí og Chelsea Market. 

Þetta er ísbúðin sem vantar á Íslandi. Glæsilegt úrval af veganísum SEM ERU EKKI SORBET og óveganísum.

10 stig.

Algjör menningarstofnun. Þarna er hægt að sjá stærstu uppistandsstjörnurnar prófa nýtt efni. Lítill, sveittur og innilegur. Pantið borð!