EINKATÍMAR Í BURLESQUE

er gott að sjá fyrir sér í hverju þú vilt helst vinna. Hér i þessari töflu eru hugmyndir að þematímum, en hægt er að sameina tvo til þrjá hluti á einum klukkutíma og fara þá grynnra i hvert og eitt. Það sem ég get kennt er miklu meira en þessar hugmyndir gefa til kynna, svo ekki hika við að spyrja um eitthvað annað.

​

Einkatími er ekki ódýr, enda er þetta lúxustími sem er sérsniðinn að þér og þú færð óskipta athygli, eðlilega. Sex vikna námskeið með mér í Kramhúsinu kosta aðeins 18.800.

Við finnum þær hristur sem henta þér best, atriðinu þínu eða búningnum. Farið er yfir standandi hristur og hristur á gólfi, hvernig við afmörkum hreyfinguna og látum hana ferðast um líkamann.

​

Stig: Byrjendur, miðstig, framhalds, fagfólk

Ertu að vinna í atriði og vantar herslumuninn? Hvort sem um er að ræða hreyfingarnar, söguna, nota leikmuninn betur, finna á milli aðal- og aukaatriða eða nokkur smáatriði þá er ég ótrúlega góð að hjálpa til með svona.

​

Stig: Miðstig, framhalds, fagfólk

​

​Á mynd: Mrs. S

Gólftækni getur bætt miklu og góðu við atriði. Að komast niður á gólf og upp úr því aftur, hvernig við feikum liðleika og öðlumst styrk. 

​

Stig: Byrjendur, miðstig, framhalds, fagfólk

Að kynna burlesque-sýningu er ákveðin list sem byggir á útsjónarsemi, hlustun og miklum samskiptum við áhorfendur. 

​

Stig: Miðstig, framhalds, fagfólk

Grunnspor, bumps, grinds, hristur, öldur (ondulations), andardráttur, ferðaspor og kóreógrafía. Í þessum tíma er orða- og hreyfiforðinn kenndur.

​

Stig: Byrjendur

Fjaðurbóan er klassískur leikmunur í burlesque-inu og er grunnur að svo mörgu öðru. Boan getur kveikt mikið á atriðasköpun. Þú getur komið með þína eigin eða ég get lánað.

​

Stig: Byrjendur, miðstig

​

​Á mynd: María Callista

Klukkutími þar sem við förum yfir uppbyggingu á hreyfimynstrum, og hvaða lykla við höfum til að opna spunagáttirnar. Mjög oft er hægt að skapa atriði með því að spinna og skoða hvað við gerum. Þessi tími hentar fólki sem er sjóað í burlesk.

​

Stig: Miðstig, framhalds, fagfólk

​

​Á mynd: Miss Mimi

Ef þú ert með atriðahugmynd, búning og lag en eina sem vantar eru sporin, þá get ég hjálpað þér! Við þurfum líklegast tvo til þrjá tíma saman til að vinna atriði. Mikilvægt: Þú kemur með hugmyndina og söguna, ég hjálpa bara til við hreyfingar.

​

Stig: Miðstig, framhalds, fagfólk

​

​Á mynd: Bibi Bioux

Og hún vippar af sér brjóstahaldaranum og þeytir brjóstadúskunum í allar áttir!!! Brjóstadúskar eru aðalsmerki burlesque-sins og til að snúa þeim er alls konar tækni sem hentar mismunandi bringum. 

Stig: Miðstig, framhalds, fagfólk 

Hvað á ég eiginlega að gera með andlitinu? Ógeðslega skemmtilegur tími þar sem andlitið vaknar og hjálpar okkur við að tengja við áhorfandann.

​

Stig: Byrjendur, miðstig, framhalds, fagfólk

Á mynd: Gógó Starr 

Fjaðravængir eru allra vinsælustu burlesque-leikmunirnir en að vinna með þá krefst mikillar tækni og útsjónarsemi. Fullkomið ef þú vilt prófa áður en þú ákveður að kaupa þér svona dýrt leikfang. Fyrir þennan tíma verðum við að vera í alvöru dansstúdíói þar sem þetta er plássfrek vinna! Ég get lánað þér fjaðravængjapar ef þú átt ekki svoleiðis, og kostar leigan 3000 krónur.

​

Stig: Miðstig, framhalds, fagfólk

Nýjasta æðið eru sloppar í anda Catherine D'Lish. Þeir eiga það til að gleypa þau sem í þeim dansa. En hvernig á að sveipa þessu skrímsli um sig og leika sér að því? Komdu í þínum eigin eða ég get lánað þér slopp fyrir tímann fyrir 3000 krónur aukalega. Ég á gimsteinsgrænan (sjá gif), ljósbláan og gulan (sem er vegan, s.s. ekki með fjöðrum). Fyrir þennan tíma verðum við að vera í alvöru dansstúdíói þar sem þetta er plássfrek vinna!

​

Stig: Framhalds, fagfólk

Hjálp við uppsetningu á sýningu, fjölmiðlaumfjöllun, fjárhagsáætlun, tækniupplýsingar og slíkt. Þessi tími er ætlaður hópum, svo það þarf ekki að borga aukalega.​ Við þurfum ekki að gera sömu mistökin og í þessum tíma mun ég kenna öll mín leyndarmál.

​

Stig: Miðstig, framhalds, fagfólk