Ein stærsta burlesque-stjarna samtímans fer yfir sögu burlesquesins á einstakan hátt. Tíminn getur teygst í meira en klukkutíma. Einstakt tækifæri til að dreypa á viskubrunni í kvennasögu sem sjaldan er sögð.

Þetta er tvímælalaust skemmtilegasti burlesquetími sem ég hef tekið á ævinni og ég hef tekið hann þrisvar og ætla sko aftur núna! Frábær trix sem koma sér vel í (næstum) öllum samkvæmum eftir að samkomubanni lýkur.

Ógeðslega góður tími með lifandi goðsögn Neo-Burlesquesins. Ef þið eruð byrjendur, ekki láta nafnið hræða ykkur! Og ef þið stefnið alls ekki upp á svið er tíminn samt skemmtileg stúdía á hvernig burlesque-atriði verður til.

Fyrri tími með einum af aðalkennurum New York School of Burlesque sem fer yfir hvernig við förum úr basic bitches yfir í ofurdívur. Grunnsporin tekin skrefinu lengra. Áhersla er lögð á sjálfsöryggi og samhæfingu. Edie Nightcrawler er bæði nútímadansari og burlesque-performer og þessi tími er sérstaklega góður fyrir þær sem vilja slípa dansinn.

Gleðibomban og seið(andi)konan Jezebel Express er yfirkennari New York School of Burlesque. Jezebel hefur oft komið til Íslands og þekkir íslensku senuna vel og hvernig við viljum læra. Tíminn fer yfir hvað gerir okkur einstakar og hvernig við leggjum áherslu á það sem við viljum flagga. If you got it - flaunt it! Einnig er farið í sjálfsöryggisæfingar.

Angie er algjört skrímsli á gógóboxinu. Skemmtilegur svitatími með 60s gógóklisjum. Dúndurfjör og brennsla með skemmtilegri tónlist. Mælum með að túpera hárið!